Mae gwirfoddolwyr yn rhan bwysig o RAY Ceredigion, os oes gennych unrhyw amser sbâr, mae RAY Ceredigion yn croesawi gwirfoddolwyr o bob oedran i helpu naill ai’n rheolaidd neu’n achlysurol.
Mae gwirfoddoli’n ffordd ardderchog i wneud gwahaniaeth i’ch cymuned, ennill sgiliau, cymdeithasu, ychwanegu at eich CV ac yn bwysicaf cael hwyl.
Mae gennym amrediad eang o weithgareddau y medrwch wirfoddoli:
| DYMA NI RAY a Chlwb Cymdeithasol RAY | Cefnogi Staff RAY gyda gweithgareddau wythnosol ar gyfer oedolion ifanc oed 17-30 gydag anableddau, gan gynnwys garddio,coginio,gwaith coed, celf a mwy a/neu cefnogi Clwb Cymdeithasol misol RAY ar nos Wener. | Dyma Ni- 10yb – 2yp pob dydd Mawrth a dydd Iau Clwb Cymdeithasol- y dydd Gwener 1af o phob mis 6yh – 9yh |
| Canolfan Deulu RAY | Cefnogi Staff RAY i ddarparu sesiynau galw i mewn, chwarae brwnt, canu,coginio, chwarae’n yr awyr agored i deuluoedd, babanod, a phlant oed cyn-ysgol | Sesiynau wythnosol yn ystod y dydd |
| Mynediad Agored RAY Sesiynau Chwarae Awyr Agored yn y Gymuned | Cefnogi ein tîm o weithwyr chwarae i ddarparu chwarae’n yr awyr agored mewn cymunedau gan gynnwys Aberteifi, Llandysul, Llanbedr pont Steffan a Phenparcau | Gwyliau ysgol |
| Clwb Ieuenctid Actif RAY | Yn cefnogi ein tîm gwaith ieuenctid RAY i ddarapru sesiynau wythnosol ar ôl ysgol, ar benwythnosau a gwyliau ysgol. Mae gennym grwpiau ar gyfer amrediad oedran cynradd ac uwchradd | Ar ôl ysgol dydd Llun, Mawrth a Mercher yn ystod amser tymor + dydd Llun -dydd Iau yn ystod gwyliau ysgol. |
| Clwb cefnogi dementia Cwlwm Cof RAY | Dewch draw i gefnogi ein Cydlynydd gyda’r grŵp yma ar gyfer pobl gyda dementia a’i gofalwyr | Yn wythnosol ar ddydd Gwener yn dechrau am 10.30 |
| Gardd Bywyd Gwyllt RAY | Dewch draw i’n helpu i ddatblygu ein gardd bywyd gwyllt | mewn bod |
| Caffi Trwsio Aberaeron yn RAY | Rydym yn edrych am wirfoddolwyr gyda sgiliau trwsio eitemau trydanol, gwaith coed, sgiliau gwnïo, beiciau a mwy – i fynychu’r caffi trwsio wythnosol yn ogystal â rhywun ar y dydd Iau 1af o phob mis 11yb-2yp sy’n medru gwneud Prawf PAT a gwirfoddolwr i helpu drefnu’r sesiynau wythnosol | Y dydd Sadwrn 1af o phob mis 10-1 |
| Swyddfa RAY a gweinyddu | Croesawir cefnogaeth gwirfoddolwyr yn ein swyddfa gyfeillgar | Oriau swyddfa dydd Llun i ddydd Gwener |
I wirfoddoli, bydd angen i chi gwblhau ffurflen gais. Bydd y Cydlynydd Gwirfoddoli yn eich arwain trwy’r broses anwytho ac yn eich cefnogi yn ystod y profiad o wirfoddoli.
Mae RAY Ceredigion yn cynnig yr hyfforddiant perthnasol a thystysgrifau am oriau gwirfoddoli.
Bydd RAY Ceredigion yn cwblhau Archwiliad gan y Gwasanaeth Datgelu a Gwahardd (DBS) os yn gymwys.
Os oes gennych ddiddordeb, cysylltwch â ni am ragor o wybodaeth ar 01545 570 686 neu 07500802590, ebostiwch ein Cydlynydd Gwirfoddoli ar [email protected]
Dechreais gyda RAY trwy leoliad gwirfoddoli Gweithffyrdd. Cefais yr opsiwn gan RAY i ddewis pa weithgareddau roeddwn eisiau eu cefnogi, ac fe ddewisais y plant yn eu harddegau. Dechreais helpu allan gyda glaslanciau Actif RAY yn 2019, ac erbyn hyn, 3 mlynedd yn ddiweddarach dwi’n aelod o’r staff. Trwy RAY, ‘rwyf wedi cymhwyso i Lefelau 2 a 3 mewn Gwaith Ieuenctid, ‘rwyf wedi derbyn Gwobr mewn Addysg ac Hyfforddiant fel y medraf gyflwyno dysgu achrededig i fobl ifanc, ac ‘rwyf ar fin dechrau cwrs Lefel 3 Trawsnewid mewn Gwaith Chwarae i gefnogi fy hyfforddiant gwaith chwarae sy’n bodoli pan fyddaf yn gweithio gyda’r grwpiau oed iau. Dechreuwch wirfoddoli heddiw, rydych byth yn gwybod i lle fydd yn arwain!’
Nikki Hunter Arweinydd Ieuenctid Actif RAY
